«ECOS КОМПАНИЯСЫ» ЖШС: ӨНЕРКӘСІПКЕ АРНАЛҒАН КЕШЕНДІ ИНЖЕНЕРЛІК ШЕШІМДЕР

«ECOS компаниясы» ЖШС қазақстандық компания ретінде 1994 жылдан бері, 30 жылдан астам уақыт бойы инжиниринг саласында қызмет көрсетіп келеді. Инженерлік жүйелер мен желілерді технологиялық, қала құрылысы, сәулеттік және құрылыс тұрғысынан жобалауды жүзеге асырады. Қауіпсіздік жүйелерін жобалайды, жеткізеді және монтаждайды, өнеркәсіптік объектілерде іске қосу-баптау жұмыстарын, кепілдік, кепілдіктен кейінгі және сервистік қызмет көрсетуді, жабдық жөндеуді, өлшеу құралдарын калибрлеуді және салыстырып тексеруді жүргізеді – Мемстандартта аккредиттелген екі жеке салыстырып тексеру зертханасы бар. Баллондарды техникалық куәландыруды, газбен өрт сөндіру модульдеріне қызмет көрсетуді және оларды қайта толтыруды жүзеге асырады. Сынақ және электротехникалық зертхана қызметтерін ұсынады.

Заманауи жабдықпен жарақтандырылған және білікті қызметкерлермен қамтамасыз етілген Қазақстан бойынша өкілдіктер желісі мен өңірлік сервистік орталықтар (Алматы, Ақтау, Орал, Ақсай, Ақтөбе, Атырау, Өскемен, Қызылорда, Шымкент қалаларында), сондай-ақ Ташкент қаласындағы (Өзбекстан) «ECOS Safety Engineering» ЖШҚ еншілес компаниясы жоғарыда аталған бағыттар бойынша компанияның үздіксіз және жедел жұмысын қамтамасыз етеді.

Аэрозольдердің барлық түрінен (шаң, түтін, тұман және т.б.) қорғауға арналған сүзгіш жартылай маскалар шығаратын, СТ-KZ сертификатымен расталған меншікті сертификатталған қазақстандық өндірісі жұмыс істейді.

Көпжылдық жұмыс тәжірибесіне, өндіріс негізіне, автокөлікке, білікті қазақстандық мамандар штатына және қауіпсіздік жүйелеріне арналған жабдық өндіретін ірі әлемдік компаниялардың қолдауына сүйене отырып, компаниямыз қолданыстағы және перспективалы жобаларды іске асыру бойынша өз қызметтерін ұсынады.

«ECOS компаниясы» ЖШС 1994 жылдан бастап Қазақстан Республикасының аумағында, ал 2025 жылдан бастап Өзбекстан, Қырғызстан және Тәжікстан аумағында еңбекті қорғау және өнеркәсіптік қауіпсіздік саласында немістің Draeger (Германия) компаниясының ресми дистрибьюторы болып табылады.

Draeger – тыныс алу органдарын қорғау құралдары мен газ өлшеу аспаптарын өндіретін әлемдегі жетекші компания. 1889 жылдан бері Draeger бүкіл әлемдегі жұмыс орындарында адамдардың қауіпсіздігін қамтамасыз етіп келеді.

Сондай-ақ «ECOS компаниясы» ЖШС төмендегі жетекші әлемдік өндірушілердің уәкілетті өкілі және дистрибьюторы болып табылады:

1. BAUER KOMPRESSOREN
BAUER KOMPRESSOREN компаниясы өзінің толтыру стансаларының арқасында DIN EN 12021 сияқты ауа сапасына қатысты халықаралық стандарттарды, оның ішінде тыныс алуға арналған ауа стандартын тұрақты сақтай отырып, барлық қолдану салаларында тыныс алуға арналған таза ауаның немесе сығылған ауаның оңтайлы қолжетімділігі мен сенімділігін қамтамасыз етеді. BAUER KOMPRESSOREN компаниясы нақты қолдану салалары үшін арнайы әзірленген, техниканың ең заманауи даму деңгейіне сәйкес келетін қауіпсіздік және спорт саласындағы кешенді шешімдерді ұсынады. Бұл ауаны, тыныс алуға арналған ауаны және нитрокс қоспасын сығудан бастап дайындауға және таратуға дейінгі барлық кезеңді қамтиды.

2. Minimax және Viking
2009 жылы өрттен қорғау саласындағы әлемге әйгілі екі компания – Minimax пен Viking компанияларының бірігуі нәтижесінде әлемдегі ең ірі өрттен қорғау компанияларының бірі құрылды. Minimax – Viking өрттен қорғау құралдарына, жүйелерді интеграциялауға және сервистік операцияларға, әсіресе өнеркәсіптік және ерекше қауіптерден қорғауға маманданған.

3. Telefire
40 жылдан астам тәжірибесі бар Telefire – сапалы, сыналған және сенімді өрт дабылы жүйелерін әзірлеуге және өндіруге маманданған Израильдегі жетекші компания. EN-54 және UL стандарттарына сәйкес келетін басқару панельдері мен датчиктерімізбен қатар, UUKL түтінді басқаруға арналған арнайы панельдерді, дауыстық эвакуациялау жүйелерін, керек-жарақты және басқа да көптеген өнімдерді қамтитын қосалқы өнімдердің толық түрлерін жеткіземіз.

4. APOLLO
Apollo fire detector компаниясы өрт хабарлағыштарын өндіру бойынша әлемдік көшбасшы болып табылады. Компания дәстүрлі хабарлағыштармен қатар адрестік-аналогтық хабарлағыштарды шығарады.
Қазіргі уақытта компания жылулық, қолмен іске қосылатын, сызықтық және түтіндік өрт хабарлағыштарын өндіреді.

5. EATON MTL
Подразделение EATON MTL, представленное компанией Eaton Electric (ранее MTL Instruments), входящей в состав EATON, - признанный мировой лидер по разработке и производству решений и продукции для обеспечения искробезопасности, управления технологическим процессом и защиты от перенапряжений. По всему миру многие из критичных с точки зрения безопасности процессов контролируются, управляются и защищены оборудованием MTL.

6. EATON MEDC. EATON құрамына кіретін Eaton Electric компаниясы, бұрынғы MTL Instruments, таныстыратын EATON MTL бөлімшесі – ұшқын қауіпсіздігін қамтамасыз етуге, технологиялық процестерді басқаруға және асқын кернеуден қорғауға арналған шешімдер мен өнімдерді әзірлеу және өндіру саласындағы әлемге танылған көшбасшы. Бүкіл әлемде қауіпсіздік тұрғысынан аса маңызды көптеген процесс MTL жабдықтарының көмегімен бақыланады, басқарылады және қорғалады.

7. EATON UPS
Eaton Powerware бренді – электрмен қоректендіруді басқару саласындағы ең жаңа әзірлемелер. Барлық салаға арналған үздіксіз электрмен қоректендіру көздерінің толық түрлері ұсынылады.

8. Faure Herman
Faure Herman компаниясы (Франция) 1925 жылы құрылған және барлық өнімінің жоғары сапасымен, дәлдігімен әрі сенімділігімен танымал. Сұйық орталарды өлшеуге арналған турбиналық, геликоидты және ультрадыбыстық шығынөлшегіштерді өнеркәсіптің әртүрлі саласында кеңінен қолдануға болады.

9. Bals
Bals компаниясы Германияда 40 жылдан астам уақыт бұрын құрылып, қуат қосқыштары нарығында жетекші орындардың бірін иеленеді. 1994 жылдан бастап Bals Берлиннің маңындағы Фрайвальдеде жаңа зауыт ашу арқылы өндірісін кеңейтті. Бүгінде Bals компаниясының өнімдері әлемнің 80-нен астам елінде ұсынылған! Bals өнімдері химия, ауыр, тамақ, тау-кен өндіру және металлургия өнеркәсібінде, сондай-ақ құрылыс пен кеме жасау саласында кеңінен қолданылады.

10. SIKA Dr. Siebert und Kühn GmbH & Co. KG.
SIKA Dr. Siebert & Kühn компаниясының жоғары дәлдіктегі өлшеу аспаптарын өндіруде 100 жылдан астам тәжірибесі бар. Компанияның өнім желісі шығын, деңгей, қысым және температура сияқты технологиялық параметрлерді бақылауға арналған сенімді әрі дәл өлшеу жабдығын, сондай-ақ өлшеу құралдарын калибрлеуге және салыстырып тексеруге арналған жабдықты қамтиды.

11. PHOENIX CONTACT.
PHOENIX CONTACT GmbH & Co. KG – электрлік қосу құрылғылары мен электрондық интерфейстік жабдық өндірушісі. Phoenix Contact компаниясының бас кеңсесі Германияның Солтүстік Рейн – Вестфалия жеріндегі Бломберг (Blomberg) қаласында орналасқан.

12. Inbal
Mil Inbal Valves Ltd – инновациялар мен сенімділікке негізделген заманауи реттеу клапандары мен жүйелерін өндіретін, серпінді дамып келе жатқан, әлемге танымал компания.

13. 2MKABLO
Компания 1993 жылы Түркияның Ыстанбұл қаласында құрылған. Өз қызметін әлсіз ток кабельдерін өндіруден бастаған компания жедел қарқынмен озық технологияларды игерді. Жаңашылдыққа ашықтығы, аса тәжірибелі мамандарының болуы және адами капиталға салынған инвестициялар компанияға өз секторында жылдам жетекші орынға шығуға мүмкіндік берді.

14. United Electric Controls – әлемдегі үздік қысым және температура датчик-релелерінің бірі. Бұл өнімдер аса жоғары сапасы мен сенімділігімен ерекшеленеді және ең алдымен өнеркәсіптің әртүрлі саласында жабдықтарды, өндірісті және персоналды қорғауға арналған.

15. Spectrex
Spectrex Inc. компаниясы – ашық оптикалық жолы бар жалын және газ детекторлары саласындағы көшбасшы, қызметкерлердің, капитал салымдарының және қоршаған ортаның қауіпсіздігін арттыруға толық бейіл.
Spectrex алғашқылардың бірі болып салалық стандарттарға айналған маңызды инновацияларды, соның ішінде алғашқы UV/IR және IR3 жалын хабарлағыштарының конструкцияларын енгізді.

16. NIGHTSTICK ®
АҚШ-тың Bayco Products, Inc. компаниясы әзірлеп, өндіретін Nightstick – өнімділік, сапа, қауіпсіздік және тиімділік бойынша салалық стандарттардан асып түсетін кәсіби жарықтандыру құрылғыларының, оның ішінде қолшамдардың, фаралардың және ұшқыннан қауіпсіз жарықтандыру шешімдерінің әлемдік бренді.

17. CALGAZ
Calgaz International LLC (Calgaz) компаниясы – өнеркәсіптік және медициналық газдарға, сондай-ақ олармен байланысты қызметтерге маманданған әлемдегі ең ірі өндіруші Air Liquid компаниясының еншілес кәсіпорны.

Стендте төмендегі өнімдер ұсынылады:
1. Dräger Polytron® 6100 EC WL
Сымсыз газталдағыш
Dräger Polytron 6100 EC WL – улы газдар мен оттегіні үздіксіз бақылауға арналған сымсыз датчик. SIL2 қауіпсіздік толықтығы деңгейіне сәйкес келетін, жарылыстан қорғалған датчик сигналды сымсыз желі арқылы жібереді және 24 айға дейін үздіксіз жұмыс істеуді қамтамасыз ететін ішкі қоректендіру көзімен жабдықталған. Сондықтан Polytron өндірісті кеңейту және жаңғырту үшін де, жаңа кәсіпорындар үшін де икемді әрі тиімді шешім болып табылады.

Dräger GasSecure GS01 – мұнай-газ өнеркәсібінде жанғыш көмірсутекті газдар мен буларды үздіксіз бақылауға арналған сымсыз инфрақызыл детектор. Ұшқыннан қауіпсіз датчик батареясының теңдессіз жұмыс мерзімімен ерекшеленеді, сондай-ақ басқару жүйелерімен байланысты қоса алғанда, SIL2 және IEC 61508 талаптарына сәйкестік сертификатына ие.

 

Dräger Polytron® 8100 EC – улы газдарды немесе оттегіні анықтауға арналған Dräger компаниясының жарылыстан қорғалған үздік датчиктерінің бірі.
Ол әртүрлі газдарды анықтауға арналған DrägerSensor электрохимиялық сенсорымен жабдықталған. Релесі бар 4–20 мА үш сымды аналогтық шығыстан бөлек, HART®, Modbus және Fieldbus құрылғыларымен байланысты қолдап, басқару жүйелерінің басым бөлігімен үйлесімділікті қамтамасыз етеді.

Dräger Polytron® 5100 EC
Dräger Polytron® 5100 EC — улы газдарды немесе оттегіні анықтауға арналған, жарылыстан қорғалған экономикалық тұрғыдан тиімді датчик. Әртүрлі газдарды анықтауға арналған өнімділігі жоғары DrägerSensor электрохимиялық сенсорымен жұмыс істейді. 4–20 мА екі немесе үш сымды шығысы мен релесінің арқасында датчик басқару жүйелерінің басым бөлігіне оңай кіріктіріледі.

Dräger Polytron 7000 – орнатылған сенсорға байланысты бір платформада көптеген улы газдардың, сондай-ақ оттегінің концентрациясын өлшей алатын датчик. Ол кең ауқымды нарықтың сұраныстарын да, мамандандырылған шешімдерге тән жоғары талаптарды да қанағаттандыра алады.

Dräger REGARD® 3000 контроллерлері
Dräger REGARD® 3000 модульдік бақылау жүйесінің көмегімен әртүрлі газдар мен буларды бақылаңыз. Түрлі түсті индикаторлар газды анықтау жүйеңіздің күйін көрсетеді. Контроллер үш модульді: кіріс модулін, релені және шлюзді біріктіруге мүмкіндік береді. Бір уақытта төрт аналогтық таратқышқа және сегіз релеге дейін қосуға болады.

Dräger REGARD® 3000 газды анықтау жүйесі.

Dräger Flame 1500 (IR3)
Инфрақызыл жалын хабарлағышы
Dräger Flame 1500 жалын хабарлағышында көмірсутектердің жалынын тіпті алыс қашықтан анықтау үшін үш инфрақызыл сенсор қолданылады. Сонымен қатар хабарлағыш жалған дабылдарға жоғары төзімділігімен ерекшеленеді.