QAZEXPOCENTRE-PIPE ҰСЫНҒАН ҚАЗАҚСТАННЫҢ МҰНАЙ ӨНДІРУ САЛАСЫНА АРНАЛҒАН ИННОВАЦИЯЛЫҚ ШЕШІМДЕР

Бүгінде Қазақстанның мұнай өндіру саласы күрделі сынақтар алдында тұр: көнерген инфрақұрылым, жоғары пайдалану шығындары және экологиялық сын-қатерлер. Мұнай мен газдың оңай алынатын қорлары тез таусылып, мұнай-газ компанияларына жаңа жолдарды іздеуге мәжбүр етуде. Дәстүрлі әдістер бұрынғыдай нәтиже бермейтін жағдайда, назар инновациялық технологияларды, озық жабдықтарды және арнайы құбыр өнімдерін қажет ететін қиын алынатын көмірсутектерге ауысады. Мұнай өндірудегі бұл жаңа дәуір күрделі болуды меңзейді, бірақ бұл қиындыққа дайын адамдар үшін үлкен мүмкіндіктерді де ашады.

Қазақстандағы құбыр өнімдерінің жетекші өндірушісі QazExpoCentre-Pipe, ЖШС осындай міндеттер үшін инновациялық шешімдерді ұсынады. Кәсіпорын диаметрі 60 мм-ден 178 мм-ге дейінгі сорап-компрессорлық және шегендеу құбырларды өндіруге арналған заманауи технологиялық және бақылау жабдықтарымен жабдықталған. Зауыттың негізгі өндірістік жабдықтары Германияда жасалған: EMAG Maschinenfabrik, Weatherford oil Tool, Hydroline Schrupp, Venjakob –Maschienbau. Зауыт механикалық жүктемелерге және коррозияға төзімді стандартты және премиум жоғары қымталанған болаттан жасалған жапсарсыз шегендеу және сорап-компрессорлық құбырларды шығарады, бұл кен орнында жөндеу жиілігін азайтады. Өндірістің жаңа технологияларын қолдану қосылыстардың сенімділігі мен қымтаулылығын қамтамасыз етеді, бұл күрделі геологиялық жағдайларда және үлкен тереңдікте ұңғымаларды тиімді пайдалану үшін маңызды.

«QazExpoCentre-Pipe» ЖШС Қазақстанның отандық өндірушілерінің Тізілімінде тұр, 1-ші санатты Индустриялық сертификат алды. «Самұрық-Қазына» Холдингінің тауар өндірушілер Тізіліміне енгізілген. «QazExpoCentre-Pipe» СТ KZ тауарының шығу тегі туралы қолданыстағы сертификаттарына ие. Сорап-компрессорлық және шегендеу құбырлардың сериялық өндірісі МЕМСТ 633-80, МЕМСТ 632-80, МЕМСТ 31446-2017 (ISO 11960:2014), СТ РК ИСО 11960-2009, API Spec 5CT сәйкес келеді. QazExpoCentre-Pipe - шығарылатын өнімге API (API Monogram) монограммасын қолдану құқығына лицензиат болып саналады.

QazExpoCentre-Pipe негізгі өнімдерінің бірі - күрделі пайдалану жағдайлары бар мұнай-газ ұңғымаларында, оның ішінде қайраң және терең теңіз аумақтарында, сондай-ақ көлденең және көлбеу бағытталған ұңғымаларды жайластыру кезінде пайдалану үшін әзірленген премиум бұрандалы қосылыстары бар шегендеу және сорап-компрессорлық құбырлар (СКҚ) болып саналады. Бұл өнімдер жоғары беріктігі мен қымтаулылығымен, иілу қабілетімен, басқа қолайсыз факторларға төзімділігімен ерекшеленеді.

Техникалық сипаттамалары мен артықшылықтары:
• Материалдар мен өлшемдер:
o Көміртекті болат, қосындыланған және тот баспайтын болат
o Диаметрі: 60,3 мм бастап 177,8 мм-ге дейін
o Қабырға қалыңдығы: 4,83 мм бастап 9,19 мм-ге дейін
• Премиум бұрандалы қосылыстар:
o Жоғары қымтаулылық және созушы мен бұраушы жүктемелеріне төзімділік
• Механикалық қасиеттері:
o Созылуға жоғары беріктігі және соққы тұтқырлығы
o Тозуға және коррозияға төзімділік
• Технологиялық ерекшеліктері:
o Механикалық қасиеттерін жақсарту үшін термиялық өңдеу
o Ультрадыбыстық және магниттік-ұнтақты зерттеуді пайдалану арқылы сапаны бақылау
o EMAG білдіктерінің арқасында өндірістің жоғары дәлдігі

Бүгінгі таңда мұндай құбырлар тек тренд емес, жобаға шығындарды үнемдеудің және азайтудың тиімді әдісі болып табылады. Премиум бұрандаларды қолданудың пайдасы бірнеше жылдың өзінде пайда болады: тәжірибе көрсеткендей, премиум қосылыстары бар құбырларды пайдаланатын компаниялардың кен орындарында апаттар аз болады және тоқтап қалу уақытын азайтады.

QazExpoCentre-Pipe құбыр өнімі Қазақстанның кез келген нүктесіне сатып алушының қоймасына дейін теміржол немесе автомобиль көлігімен жеткізіледі.
QazExpoCentre-Pipe клиенттері Қазақстанның ірі мұнай-газ және сервистік компаниялары болып табылады. Қажет болған жағдайда компания шегендеу бағаналары мен сорап-компрессорлық құбырларды ұңғымаларға бұрау мен түсіруді инженерлік сүйемелдеуді жүзеге асырады.

QazExpoCentre-Pipe - клиентке бағдарланған компания, сондықтан төлем мерзімдері мен түрлері бойынша серіктестердің тілектерін ескере отырып, жеткізудің жеке шарттарын ұсынады.